Besta sætið

8. júní - Kaldur sviti er Eriksen féll til jarðar

Hjartaáfall Christian Eriksen, landsliðin okkar að mæta heimsmeisturum og stórmannlegir Víkingar framlengja við Ingvar er helst í brennidepli í þætti dagsins.

5. júní - Vandræðaleg auglýsing og köld kveðja

Það er frábær föstudagur í Besta sætinu. Landsliðskona snýr heim, stelpurnar okkar eiga stóran leik, Knicksari rífur kjaft um fótbolta og vera má að Ögmundur Kristinsson semji við Víking í dag. Þá eru æfingaleikir um helgina þar sem Cole Palmer-laust Englandslið hitar upp fyrir HM. Palmer er andlit Nike fyrir mót sem hann tekur ekki þátt í. Svo er spurning hvort Arnar Gunnlaugsson hafi náð að lækka forgjöfina í golfi í Japan en hann er mættur með A-landsliði karla til Bandaríkjanna þar sem fram undan er leikur við heimsmeistara Argentínu.

4.júní: Sara Björk komin heim

Þrátt fyrir að komið sé hásumar er nóg að frétta úr heimi íþróttanna. Stór tíðindi að berast af kvennaliði Hauka sem er að fá sína bestu dóttur aftur heim, Sara Björk Gunnarsdóttir ein sú besta í sögu Íslands frá upphafi að stimpla sig inn í íslenska boltann. Ögmundur Kristinsson á leið í Víkina, Kane laus úr fangelsi og ég veit ekki hvað og hvað. Alvöru yfirferð í Besta sætinu í dag. 

3. júní - Getur Wemby bjargað NBA?

Misgóðar klippingar, nýr stjóri Liverpool og úrslitaeinvígi NBA eru á meðal umfjöllunarefna í Besta sætinu í dag.

2. júní - Sótti Freyr of marga Íslendinga til Brann?

Freyr Alexandersson lærði ekki af mistökum annarra íslenskra þjálfara og hefur verið látinn fara frá Brann. Hvað verður um Alfreð Finnbogason hjá Rosenborg?
 
Einhvern veginn tókst Noregi að taka yfir þátt dagsins í Besta sætinu. Stórliðin þar í landi, með Íslendinga í brennidepli, hafa tekið risaákvarðanir síðastliðinn sólarhring.
Svo sendu Norðmenn frá sér alvöru yfirlýsingu með sigrinum gegn Svíum í gær.
Þetta og margt fleira var rætt í þætti dagsins í Besta sætinu.

1. júní - Er hægt að stöðva Víkingana?

Besta deild karla, stjóraskipti Liverpool, Lengjudeildin, blóðbaðið hjá Kolla box og fleira til í þætti dagsins.

29. maí - Óskar Hrafn á hælana?

Það er risa helgi fram undan í boltanum hér heima og úti. Heil umferð fer fram í bæði Bestu deild karla og kvenna. Úrslit eru í Meistaradeild Evrópu og landsleikur í Japan.
Þá skrifaði Óskar Hrafn Þorvaldsson undir nýjan samning í Vesturbæ og gjaldkeri liðsins hlær alla leið í bankann.

28. maí - Aron vildi ráða eftir þrjár æfingar

Aron Pálmarsson er orðinn aðalþjálfari FH og er rennt ítarlega yfir þessi merkilegu tíðindi í Besta sætinu í dag. Svo er staðan í hinni skemmtilegu Lengjudeild karla krufin aðeins.

27. maí - Körfuslúður og KR með hreðjatak á Valsmönnum

Besta deild karla er að spilast á áhugaverðan hátt en fátt virðist geta stöðvað Víkinga. Stjarnan veldur vonbrigðum og KR er með alvöru hreðjatak á Valsmönnum. Lengjudeildin er jöfn og spennandi og svo er mikið slúðrað í körfunni.

26. maí - Slot á skilið annað tækifæri og KR fær líklega á baukinn

Arsenal Englandsmeistari en hvað gerist næst? Aron Pálmarsson á leið í þjálfarabransann og hver er framtíð Steraleikanna? Lifir Jökull af annað tap og mun Valur valta yfir KR í kvöld?